نەتەوە یەکگرتووەکان پێشوازی لە رێککەوتنی نێوان هەولێر و بەغدا دەکات
نەتەوە یەکگرتووەکان پێشوازی لە رێککەوتنی نێوان هەولێر و بەغدا دەکات
یۆنامی، نێردەی نەتەوەیەکگرتووەکان لە عێراق پێشوازی لە رێککەوتنی هەولێر و بەغدا دەکات و لە تویتێکدا نووسیویەتی، دەستخۆشی لەرێککەوتی نێوان هەولێر و بەغدا دەکەین بۆ دەستپێکردنەوەی هەناردەکردنی نەوتی هەرێمی کوردستان.
دەشڵێت: رێککەوتنەکەی هەرێم و بەغدا هەنگاوێکی گرنگە بۆ بەهێزکردنی یەکگرتوویی وڵات و گەشەکردنی ئابووری عێراق لەپێنداوخزمەتکردنی هەموو عێراقییەکاندا.
دوێنێ چوارشەممە، رێککەوتنی نێوان هەولێر و بەغدا لەبارەی هەناردەکردنی نەوتی هەرێمی کوردستان واژووکرا. بەپێی رێککەوتنەکەش،نەوتی هەرێمی کوردستان لە رێگەی بەندەری جەیهانی تورکییەوە لەلایەن کۆمپانیای سۆمۆوە دەفرۆشرێت و داهاتەکەی لە هەژمارێکیبانکی تایبەتدا هەڵدەگیرێت کە لەژێر کۆنترۆڵی حکومەتی هەرێمی کوردستان دەبێت.
سەباح سوبحی، ئەندامی لیژنەی نەوت و غاز لە ئەنجوومەنی نوێنەرانی عێراق دەڵێت، گەرەنتی ناوخۆیی و دەرەکی بۆ رێککەوتنەکەی هەولێرو بەغدا هەیە و کۆمپانیای سۆمۆ، نەوتی هەرێمی کوردستان هەناردە دەکات، لەبەرامبەردا هەرێم لەژێر چاودێری بانکی ناوەندیی، سەربەخۆمامەڵە بە داهاتی نەوتەکەیەوە دەکات.
ڕووداو ٢٤ سەرچاوەی هەواڵی باوڕپێکراو
ڕووداو٢٤،ڕابردو،ئێستا،داهاتو
