هۆکاری ڕاگرتنی فرۆشتنی دۆلار بە١٣٢ هەزار دینار لە فڕۆکەخانەی سلێمانی ئاشکرا دەکرێت
هۆکاری ڕاگرتنی فرۆشتنی دۆلار بە١٣٢ هەزار دینار لە فڕۆکەخانەی سلێمانی ئاشکرا دەکرێت
شەوی رابردوو، فڕۆکەخانەی سلێمانی بڵاویکردەوە کە فرۆشتنی دۆلار بە ١٣٢ هەزار دینار لەلایەن ئاڕ تی بانکەوە راگیراوە و بە گوێرەیزانیارییەکان، هۆکاری راگرتنەکەی دەگەڕێتەوە بۆ دابیننەکردنی دۆلار لەلایەن بانکی ناوەندیی عێراقەوە بۆ بانکەکە.
سەرچاوەیەک ڕایگەیاندووە، هۆکاری راگرتنی فرۆشتنی دۆلار بە گەشتیاران لە فڕۆکەخانەی سلێمانی دابیننەکرنی دۆلارە لەلایەن بانکیناوەندیەوە بۆ بانکی بازرگانی کە لقێکی لەناو فڕۆکەخانەکە کرابوەووە.
ئاماژەی بەوەشکردووە، دیار نییە کەی پڕۆسە فرۆشتنەوەی دۆلار بە نرخی فەرمی بە گەشتیاران کە بڕەکەی حەوت هەزار دۆلارە دەستپێدەکاتەوە.
لە ماوەی رابردوودا، فرۆشتنی دۆلار لە لقی ئاڕ تی بانکی فڕۆکەخانەی هەولێریش راگیرا و باس لەوە کرا کە چەند بازرگانێک هەوڵیان داوەقاچاخچێتی بکەن بە مەبەستی کڕینی دۆلار بە نرخی فەرمی و فرۆشتنەوە بە نرخی بازاڕ لە دواتردا.
