بانکی ڕافیدەین سەبارەت بە فرۆشتنی 100 دۆلار بە 132 هەزار لە فڕۆکەخانە ڕوونکردنەوە دەدات
بانکی ڕافیدەین سەبارەت بە فرۆشتنی 100 دۆلار بە 132 هەزار لە فڕۆکەخانە ڕوونکردنەوە دەدات
بانکی رافیدەین لەبارەی فرۆشتنی دۆلار بە گەشتیاران لە فڕۆکەخانەی بەغدا رایدەگەیێنێت، لە رۆژانی پشووشدا لقی بانکەکەیان لەفڕۆکەخانەی بەغدا کراوە دەبێت و دۆلار بە نرخی بانکی ناوەندی بە گەشتیاران دەفرۆشێت.
بانکی رافیدەین، بانکێکی حکومییە، لە راگەیێندراوێکدا بڵاویکردەوە، "پەنجەرەی بانکی رافیدەین لە فڕۆکەخانەی نێودەوڵەتیی بەغدا، تەنانەتلە رۆژانی پشووشدا کراوەیە بۆ فرۆشتنی دۆلار بە گەشتیاران بە نرخی فەرمیی پاڵپشتیکراوی بانکی ناوەندیی عێراقی، کە هەر دۆلارێک بە1320 دینارە."
بانکی رافیدەین رۆژی شەممە 11-02 2023، لەبارەی فرۆشتنی دۆلار بڵاویکردەوە، گەشتیاران لە فڕۆکەخانەی بەغدا دەبێت پاسپۆرت وتیکتی فڕۆکە و تیکتی سەرکەوتنە نێو فڕۆکە پێشکێش بکەن.
بەپێی رێنوێنییەکانی بانکی رافیدەین، دەبێت گەشتیاران ماستەرکارد و پسوولەی KYCیان هەبێت. KYC فۆرمێکە بۆ رێگەگرتن لەسپیکردنەوەی پارە و پارەدارکردنی تیرۆر پڕدەکرێتەوە، ئامانجەکەی فەراهەمکردنی ژینگەیەکی کاری ئارام و متمانەپێکراوە.
