بێژه‌ری ناوداری کورد، ئهحمهد شێربهگی په‌یامێکی ده‌رباره‌ی بومه‌له‌رزه‌که هه‌یه، به‌‌ڕێزیان گیانله‌ده‌ستدانی هه‌زاران کورد به که‌مته‌‌رخه‌می ڕژێمه‌کان ده‌زانێ.
ده‌‌‌قی وته‌‌‌کانی کاک ئهحمهد شێربهگی.
بوومەلەرزە و ئایین .
ژاپۆن لەسەرچوارهێلی گەورەی بوومەلەرزە هەڵکەوتوە، لە سەتا دەی بوومەلەرزەکانی جیهان لە ژاپۆن ڕوودەدات. تەنیالە ساڵی ٢٠ ٠ ٥ لەم وڵاتەدا (١٤٠ ) بوومەلەرزە تۆمار کراوە. هیچکام لە بوومەلەرزەکانیش لە ٦پلەی ڕیشتر کەمتر نەبوون تەنانەت سێیان ٧ ڕیشتێڕی بوون. بەڵام ڕادەی خەسارەتەکانیان لانیکەم وژمارەی قوربانییەکان لەقەدەرهێزی بوومەلەرزەکان زۆر کەمتربووە.
ژاپۆنییەکان گیانی مرۆڤەکانی خۆیان لەلا گرینگە، بۆ بیناسازی لە پێشکەوتووترین تێکنۆلۆژی کەڵک وەردەگرن کە زیانەکانی بوومەلەرزە دەگەیەنێتە لانی کەمی خۆی.
بەڵام لە ولاتە دواکەوتووەکان وبەتایبەتی ئەم ولاتانەی کوردیان بەسەر دادابەش کراوە بەهۆی ئەوەی بیناکان هەڕەمەکی ساز دەکرێن وژیانی کوردیشیان بەلاوە گرینگ نیە، بە سووکە بوومەلەرزەیەک لەبەر یەک هەڵدەتەکێن و خەسارەتێکی زۆری گیانی وماڵی قەرەبوونەکراو بەدوای خۆیان دادێنن.
بۆ پاساوی ئەم کەمتەرخەمی و بێ توانایی وبە هێندنەگرتنی گیانی خەڵکیش ئایین دەچێتە خزمەت داگیرکەرو ئەم ماڵوێڕانییە بە حیکمەتی ئیلاهی دەقەبڵێنن. بەجۆرێک کە ژمارەیەک دەمڕاستی گەمژەی بەکرێگیراوی کاسەلێس بەناوی ئاین هۆکارەکەی بۆبە گوناحباریی و تاونباریی خەڵکانی لێقەوماوی بێدەرەتان دەبەستنەوە.
