لە فلۆریدای ئەمریکا بەهۆی ڕووداوی تەقەوە 10 کەس بریندار بوون.
لە فلۆریدای ئەمریکا بەهۆی ڕووداوی تەقەوە 10 کەس بریندار بوون.
بەشی پۆلیسی شاری لەیکلاند، لە بەیانی ڕۆژی سێشەممەدا، ڕووداوێکی تەقەکردن لە شاری فلۆریدا ڕاگەیاند، کە لە ئەنجامدا دە کەسبرینداربوون، پۆلیسیش ڕایگەیاند کە دوو قوربانی بە سەختی برینداربوون و هەشت لە بریندارە کانیش مەترسی لەسەر ژیانیان نییە.
سام تایلۆر، بەڕێوەبەری پۆلیسی شاری لەیکلاند لە کۆنگرەیەکی ڕۆژنامەوانیدا، بارودۆخی ئەو دوو بریندارەی ڕوونکردەوە و ڕایگەیاند: "یەکێکیان نەشتەرگەری بۆ دەکرێت و ئەوی دیکەیان یان یان لە ژێرچاودێری چڕدایە
بەپێی هەواڵێکی کەناڵی ABC، پۆلیس وەڵامی پەیوەندییەکانی تەقەی لە شوێنێکی نزیک ئایۆوا ئەڤینۆ نۆرس و شەقامی بلوم لە کاتژمێر3:43ی پاشنیوەڕۆ دایەوە، تایلۆر وتی هەموو قوربانییەکان تەمەنیان لە نێوان 20 بۆ 35 ساڵدایە.
پۆلیسی شاری لەیکلاند هیچ تۆمەتبارێکی نەناساندووە، بەڵام پێیان وایە 4 لەو کەسانەی کە گوایە تەقەیان کردووە لە ئۆتۆمبێلەکەیانەوەتەقەیان لە هەردوو لای شەقامەکە کردووە، کە تایلۆر بە ئۆتۆمبێلێکی گەورەی سیدان چوار دەرگا وەسفی کردووە.
پۆلیس پێی وایە تەقەکردنەکە بە شێوەیەکی هەڕەمەکی نەبووە، هەروەها قوربانییەکان کراونەتە ئامانج.
بەپێی ڕاپۆرتەکە، دەسەڵاتداران ئاماژەیان بەوەشکردووە، لە شوێنی ڕووداوەکە ماریجوانایان دۆزیوەتەوە، ئاماژەیە بۆ ئەوەی لە کاتیڕووداوەکەدا ماریجوانا دەفرۆشرێت، بەڵام هیچ زانیارییەک نییە لەسەر ئەوەی کە ئایا گومانی فرۆشتنی ماریجوانا و تەقەکردنەکەپەیوەندییان هەبووە یان نا.
