کۆمسیۆن کاتی هەڵبژاردنی پەرلەمانی کوردستانی دیاریکرد
کۆمسیۆن کاتی هەڵبژاردنی پەرلەمانی کوردستانی دیاریکرد
وتەبێژی کۆمیسیۆنی باڵای هەڵبژاردنی هەرێم راگەیاند "یەکێک لە بەهانەکانی درێژکردنەوەی ماوەی تەمەنی پەرلەمان بۆ ئەوە بووئامادەسازی باشتر بکرێت بۆ بەڕێوەچوونی هەڵبژاردن. هەروەها پێویستە لایەنە سیاسییەکان بسازێن لەسەر پرسی هەڵبژاردن و وەکوپرسێکی نیشتمانی تەماشای پرۆسەکە بکرێت."
ئاماژەی بەوەشکرد ئەگەر لایەنە سیاسییەکان رێکبکەون، لە ماوەی شەش مانگدا دەتوانین ئامادەکاری پێویست بکەین بۆ بەڕێوەچوونیهەڵبژاردن دەشڵێت ئەگەر تاوەکو مانگی نیسان و ئایار لایەنەکان رێکبکەون، دەتوانین ئەمساڵ هەڵبژاردن بکەین.
باس لە ئامادەکارییەکانیان بۆ بەڕێوەبردنی هەڵبژاردن دەکات و دەڵێت، ئەو ماوە شەش مانگییە کە کۆمیسیۆن پێویستییەتی، بۆ ئەوەیە لەرووی تەکنیکی و لۆجیستییەوە ئامادەکاری تەواو بکات بۆ بەڕێوەچوونی هەڵبژاردن.
ئامادەکارییەکانی کۆمیسیۆن بۆ هەڵبژاردن ئەمانەن: پێداچوونەوە بە لیستی ناوی بەربژێرەکان، پێداچوونەوە بە تۆماری دەنگدەران،چاپکردنی فۆرمی دەنگدان و دامەزراندنی کارمەند بەشێوەی گرێبەست بۆ کاتی هەڵبژاردن.
یاسای هەڵبژاردن و بازنەکانی هەڵبژاردن، پێکهاتەی کۆمیسیۆنی باڵای هەڵبژاردن و راپرسی، کورسی پێکهاتەکان، تۆماری دەنگدەراندیارترین خاڵە ناکۆکەکانی نێوان حیزب و لایەنە سیاسییەکانی هەرێمی کوردستانە.
وتیشی، "بەهۆی ئەوەی ئەندامانی ئەنجوومەنی کۆمیسیۆن ئەزموونێکی باشیان لە بەڕێوەبردنی هەڵبژاردنەکاندا هەیە، ئەگەر کۆمیسیارانیکۆمیسیۆنی هەڵبژاردنەکان بگۆڕدرێن، پێم وانییە ئەمساڵ هەڵبژاردن لە وادەی خۆیدا بکرێت."
