سەرۆکوەزیرانی عیراق، لەچوارچێوەی رێوشوێنەکان بۆ کۆنترۆڵکردنی نرخی دۆلارو رێگریکردن لە بەقاچاخبردنی بۆ دەرەوەی وڵات، چەندبڕیارێکی نوێی دەرکرد
سەرۆکوەزیرانی عیراق، لەچوارچێوەی رێوشوێنەکان بۆ کۆنترۆڵکردنی نرخی دۆلارو رێگریکردن لە بەقاچاخبردنی بۆ دەرەوەی وڵات، چەندبڕیارێکی نوێی دەرکرد،
گرنگترینیان پێدانی دۆلارە بە بازرگانە بچووکەکان لەڕێگەی بانگی بازرگانی.
ئەمڕۆ یەکشەممە، محەمەد شیاع سوودانی، سەرۆکوەزیرانی عیراق، لەگەڵ یەکێتی ژوورە بارزگانییەکانی عیراق کۆبووەوە.
بەگوێرەی راگەیەندراوێکی نووسینگەی رۆژنامەوانیی سەرۆکوەزیران، لە کۆبوونەوەکەدا، کە پارێزگاری بانکی ناوەندی و بەڕێوەبەرەگشتییەکانی دەروازە سنوورییەکان و گومرگ ئامادەیبوون، باس لە هۆکارەکانی ناجێگیربوونی نرخی دراوە بیانییەکان و کاریگەریی لەسەربازاڕو هاووڵاتیان و چارەسەرکردنی دۆخەکە کرا.
لە کۆبوونەوەکەدا چەند بڕیارێکی نوێ دران بەئامانجی سەقامگیرکردنی نرخی دۆلار، لەوانەش کردنەوەی پەنجەرەیەک لە بانکی بازرگانییعیراق بۆ پێدانی دۆلار بە بازرگانە بچووکەکان بە نرخی فەرمی، هەروەها باربووکردنی بانکەکە لەلایەن بانکی ناوەندییەوە بەبڕی 500 ملیۆندۆلار بەمەبەستی کردنەوەی هەژماری بانکی بۆ بازرگانە بچووکەکان.
عیراق راشیگەیاند کە چاوخشاندنەوە بە کارەکانی دەستەی گشتی باج دەکرێت، بەجۆرێک کە کاروبارەکانی بەگوێرەی پێوەرەکانی دەستەیدەستپاکی و یاساییەوە ئەنجام دەدرێت.
سوودانی جەختی لەوەشکردەوە دەزگاکانی حکومەت شێلگێرانە کار بۆ چاکسازی ئابووری و چارەسەرکردنی ئەو کێشانە دەکەن کە بەهۆیبڕیارە هەڵەکانی رابردوو دروستبوون.
