سەرۆکوەزیرانی بەریتانیا کە بۆ بەشداریکردن لە کۆنفرانسی کەشوهەوای نەتەوە یەکگرتووەکان چووە میسر، ڕایگەیاند کە کرده‌وه‌کانی ئێران ناوچەکە ناسەقامگیر دەکات.
ئەمڕۆ دووشەممە ٧ی نوڤه‌‌‌مبه‌‌‌ر سوناک لە چاوپێکەوتنێکدا لەگەڵ کەناڵی ئەلعەرەبییە جەختی لەسەر پێویستی ڕاوێژکردن لەگەڵ هاوبەشەکانی وڵاتەکەی سەبارەت بە ئێران پێداگری کرد.
سوناک بە ئاماژەدان بە قبوڵنەکردنی دەقی پێشنیارکراوی تاران بۆ زیندووکردنەوەی ڕێککەوتنی ئەتۆمی، وتی کە دۆخەکە ئاڵۆز بووە بە سەرکوتکردنی ئەو خۆپیشاندەران کە لە ناوەڕاستی مانگی ئەیلولەوە خۆپیشاندانیان کردووە، دوای کوژرانی ئەو ژنە گەنجە بە ناوی مەحسا ئەمینی لە... دەستی "پۆلیسی ئەخلاقی" ئێران.
سەرۆک وەزیرانی بەریتانیا هەروەها جەختی لە گرنگی پەیوەندییەکانی وڵاتەکەی لەگەڵ وڵاتانی کەنداو کردەوە و داوای پەرەپێدانی پەیوەندییە بازرگانییەکان لەگەڵ ئەو وڵاتانە کرد.
ئاماژەی بەوەشکرد، بەریتانیا "بەختەوەرە لە پەیوەندییە گرنگ و مێژووییەکانی لەگەڵ وڵاتانی کەنداو"، ئاماژەی بەوەشکرد، پێویستە ئەو پەیوەندییانە لە کایەی سەربازی تێپەڕێت بۆ هاوکاری ئابووری.
به ڕیتانیا پێشتر ڕایگه یاندبوو که به هۆی "ده یان ساڵ هه ڕه شه ی ده ستبه سه ڕکردن و توندوتیژی" له دژی ژنانی ئێرانی "بۆ کۆنترۆڵکردنی جلوبه ڕگ و هه ڵسوکه وتنیان له ده ڕه وه ی ماڵدا" سزا به سه ڕ "پۆلیسی ئه خلاقی" ئێران ده دات. بەریتانیا 5 فەرماندەی پۆلیس و بەسیجی خستۆتە لیستی سزاکانی خۆیەوە.
ڕۆژی 10ی ئۆکتۆبەر، وەزارەتی دەرەوەی بەریتانیا ڕایگەیاند، سزای بەسەر "پۆلیسی ئەخلاق" و محەمەد ڕۆستەمی جاشمە کاجی ڕێبەرەکەی و هەروەها ئەحمەد میرزایی فەرماندەی لقی تاراندا سەپاندووە.
هەروەها بەریتانیا ئاماژەی بەوەدا کە کوشتنی مەحسا ئەمینی لە دەستبەسەرکردنی "پۆلیسی ئەخلاقی" و ناڕەزایەتییەکانی دواتر سەرسوڕمانی جیهانی بەرزکردەوە، هەروەها سەپاندنی سزای بەسەر ٣ بەرپرسی سیاسی و ئەمنیی دیکە لە ئێران "بەهۆی ئەنجامدانی پێشێلکاریی قورسی مافەکانی مرۆڤ" ڕاگەیاند ."
ئەم سێ بەرپرسە بریتین لە: فەرماندەی سازمانی بەسیجی سوپای پاسدارانی ئێران، غوڵامڕەزا سولەیمانی، فەرماندەی یەکەی تایبەت لە پۆلیس، حەسەن کەرەمی، فەرماندەی پۆلیسی ئێران، حوسێن ئەشتەری.
لە بەیاننامەیەکدا کە لەلایەن بەریتانیاوە بڵاوکراوەتەوە، جەخت لەسەر ئەوە کراوەتەوە کە "رێکخراوی بەسیج و یەکەی تایبەت و پۆلیسی ئێران لە ئاستێکی فراوانتردا، ڕۆڵێکی سەرەکییان هەبووە لە سەرکوتکردنی ئەو ناڕەزایەتییە جەماوەرییانەی کە چەند هەفتەیەکە دەسووتێن، هەروەها ناڕەزایەتییەکانی پەیوەست بە". بەرزبوونەوەی نرخی سووتەمەنی لە ساڵی ٢٠ ١٩".
ئەم بەیاننامەیە ئاماژەی بە هەواڵەکانی بەکارهێنانی گوللەی زیندوو لە دژی خۆپیشاندەران لە ئێران کردووە و نووسیویەتی: قوتابییان لە زانکۆی شەریف لەلایەن پیاوانی ئەمنیەوە گەمارۆدراون، هەروەها ڕاپۆرتی دیکەش هەیە سەبارەت بە ناشتنی تەرمی خۆپیشاندەرە کوژراوەکان لەلایەن دەزگا ئەمنییەکانەوە بەبێ هیچ کەسێک زانیاری خێزانەکانیان”.
ئاماده کردن٠Š: لانه عز٠Šز حمه
