شەپۆلێکی باران بارین تەواوی هەرێم بگرێتەوەو بۆ ماوەی چەند رۆژێک بەردەوام دەبێت
شەپۆلێکی باران بارین تەواوی هەرێم بگرێتەوەو بۆ ماوەی چەند رۆژێک بەردەوام دەبێت.
شارەزایەکی کەشناسی پێشبینی دەکات، کەشوهەوای
ئەم هەفتەیەی هەرێمی کوردستان سەقامگیربێت و لە سەرەتای هەفتەی داهاتووشەوە شەپۆلێکی باران بارین تەواوی هەرێم بگرێتەوەو بۆماوەی چەند رۆژێک بەردەوام دەبێت.
ئاراس جەبار، شارەزای کەشناسی، لە راگەیەندراوێکدا رایگەیاندووە "لە ئەنجامی بەردەوامی کاریگەری ئەو بەرزە پاڵەپەستۆیەی لەسەرباکوری ناوچەکە جێگیربووە کەشی هەرێم بەدرێژایی ئەم هەفتەیە بەسەقامگیری ئەمێنێتەوە".
راشیگەیاندووە: لە ئیوارەى رۆژى ٢٢ى ١ى ٢٠ ٢٣ ەوە لە ئەنجامی هاتنی بارستە هەوایەکی ساردو وشکی سیبیریا بۆ سەر ناوچەجیاجیاکانی وڵاتی ئێران و رۆژهەڵاتی کوردستان، بایەکی وشک و سارد ناوچە شاخاوییەکانی رۆژهەڵات و باکوری رۆژهەڵاتی هەرێمئەگرێتەوەو بەهۆیەوە پلەکانی گەرما تا کۆتایی ئەم هەفتەیە لەناوچەکانی سنوری پارێزگای سلێمانی و ئیدارەی راپەرین و ناوچەشاخاوییەکانی پارێزگای هەولێر بەرێژەی ٢ تا ٥ پلە نزمبوونەوە بەخۆیانەوە ئەبینن".
لەبارەی کەشوهەوای هەفتەی داهاتووشەوە، ئاراس جەبار دەڵێت "لەسەرەتای هەفتەی ئایندەوە کاریگەری شەپۆلێکی چالاکی بارانبارین لەدەریای ناوەڕاستەوە بۆ سەر تەواوی ناوچەکانمان درێژ ئەبێتەوە، ئەگەر هەیە بۆ ماوەی چەند رۆژێک بەردەوامی هەبێت".
