مەزڵوم کۆبانێ فەرماندەی گشتیی هێزەکانی سوریای دیموکرات-هەسەدە، وادەی هێرشی زەمینیی تورکیا لە رۆژئاوای کوردستان ئاشکرادەکات
مەزڵوم کۆبانێ فەرماندەی گشتیی هێزەکانی سوریای دیموکرات-هەسەدە، وادەی هێرشی زەمینیی تورکیا لە رۆژئاوای کوردستان ئاشکرادەکات
و دەڵێت: پێشبینی دەکەن تورکیا مانگی داهاتوو هێرش بکات.
مەزڵوم کۆبانێ فەرماندەی گشتیی هەسەدە، لە چاوپێکەوتنێکیدا لەگەڵ پێگەی ئەلمۆنیتەری ئەمریکی رایگەیاند، پێشبینی دەکەن تورکیا مانگیداهاتوو هێرش بکاتە سەر رۆژئاوای کوردستان، چونکە تورکیا بەرەو هەڵبژاردن دەڕوات و ئەردۆغان دەیەوێت پشتیوانی جەماوەرییبەدەستبهێنێت، وتیشی، شاری کۆبانێ ئامانجی سەرەکی هێرشەکەی تورکیا دەبێت، چونکە ئەو شارە هێمای کوردە لە هەموو جیهان.
فەرماندەکەی هەسەدە ئاماژەی بەوەشکرد، کێشەی کورد نە لە سوریا و نە لە تورکیا و نە لە هیچ شوێنێکی تر، بە رێگەی سەربازیی چارەسەرناکرێت و مێژوویش ئەوەی سەلماندووە، بەڵکو کێشەی کورد بە دانوستانی ئاشتییانە و راستگۆیانە چارەسەر دەکرێت.
مەزڵوم کۆبانێ لەبارەی هەڵوێستی ئەمریکا رایگەیاند، ئەو وڵاتە هەڵوێستی روونی هەبووە بۆ دژایەتی هێرشی سەربازیی تورکیا لە سوریا،بەڵام تورکیا بەردەوامە لە هەڕەشەکانی لە دژی رۆژئاوای کوردستان، هەربۆیە هەوڵەکانی ئەمریکا بەس نیین و پێویستە کاری زیاتر بکات.
