تێكهەڵچوونی چەكداریی قورس لە هوشەكی سەراوان دوای هێرشی هێزە ئەمنییەتییەكان بۆ سەر ماڵێکی نیشتەجێبوون روویدا.
لە بەرەبەیانیۆ ئەمڕۆ چوارشەممە، ٥ی خەرمانانی ١٤٠٤، هێزە نیزامییەكانی حکوومەت و ئیتلاعات هێرشیان كردە سەر ماڵێکی نیشتەجێبوون لە ناوچەی هوشەكی سەراوان، کە بووە هۆی پێکدادانێکی توند و چەند کاتژمێری لە نێوان ئەوان و چەکدارانی ناو ماڵەکە.
سەرچاوە خۆجێییەکان بە "حال وەش"یان ڕاگەیاندووە، شەڕ و پێکدادانەکە لە دەوروبەری کاتژمێر ٥ی بەیانی دەستیپێکردووە و تا کاتی بڵاوبوونەوەی ئەم هەواڵە هێشتا بەردەوامە. دەنگی بەردەوامی تەقەی چەکی سووک و قورس لە ناوچەکەدا دەبیسترێت و کەشوهەوای هوشەك تەواو ئەمنیەتیی بووە.
توندیی شەڕەکە ترس و نیگەرانییەکی بەرفراوانی خەڵکی ناوچەکەی لێکەوتووەتەوە.
لەم پێوەندییەدا گرووپی جەیشولعەدل كوژرانی چەند یەكێك لە ئەندامەكانی پشتڕاست كردەوە و میدیاكانی حكوومەتیش ئاماژەیان بەوە كردووە كە ١٣ كەس لەو چەكدارانە كوژراون و بەكرێگیراوێكی حكوومەتیش بە ناوی جەواد عەبدوڵڵاهی كوژراوە.
