شەڕێکی قورس لە دژى سوپاى ئیسرائیل لە باکور و باشوری غەززە دەستیپێکردووە
شەڕ و پێکدادانی توند لە نێوان سوپای ئیسرائیل و گرووپە خۆڕاگرییەکانی فەلەستین لە باکوور و باشووری غەززە بەردەوامە. لە باکوری غەززە، سوپای ئیسرائیل درێژە بە هێرشە زەمینی و ئاسمانییەکانی خۆی لە ناوچەکانی وەک شوجایە و ناوچەکانی دەوروبەری دا. لە باشووریش خان یونس و ڕەفعەت بە توندی هێرشیان کراوەتە سەر.
گروپەچەکدارەکانى فەلەستینییەکان، ڕایانگەیاند کە لەگەڵ هێزەکانی سوپای ئیسرائیل خەریکی شەڕ و پێکدادانێکی توندن کە هێرشێکی بەرفراوان دەکەنە سەر کامپی جەبالیە و ناوچەکانی دەوروبەری.
لیوای قەسام باڵی سەربازی حەماس لە بەیاننامەیەکدا لە کەناڵی تەلەگرام بڵاویکردەوە، کەشتی هەڵگرێکی ئیسرائیلیان تێکشکاند پاش ئەوەی بە بۆمب و گوللەی یاسین 105 کردیانە ئامانج لە ڕۆژئاوای شاری بەیت لاهیا لە باکوری کەرتی غەززە و بەو هۆیەوە ژمارەیە سەربازى ئیسرائیل کوژران و برینداربوون.
هەروەها، باڵی سەربازی جیهادی ئیسلامی بڵاویکردەوە، پاش نیوەڕۆی هەینی کۆبوونەوەیەکى سوپاى ئیسرائیلیان تۆپباران کرد، لە دەوروبەری بەڕێوبەرایەتی مەدەنی ڕۆژهەڵاتی جەبەلیا
لە بەیاننامەیەکى دیگەدا دەڵێن: ئێمە لەگەڵ هێزێکی سوپاى ئیسرائیل لە ناوچەی "ئەلتەوام" لە باکوری ڕۆژئاوای غەززە لە پێکدادان و ڕوبەڕوبونەوەى سەختداین.
سوپای ئیسرائیل لە 371 هەمین ڕۆژی شەڕی کەرتی غەززە بەردەوامە لە ئۆپەراسیۆنە زەمینی و ئاسمانییەکانی لە باکوری کەرتی غەززە و هێزەکانی گەمارۆی شاری جەبالیا و کامپەکەی و چەند ناوچەیەکی دەوروبەریان داوە.
