سکرتێری نەتەوەیەکگرتووەکان رایگەیاند، هاودەنگی بۆ موسڵمانان دەردەبڕن لە هەموو جیهان،
سکرتێری نەتەوەیەکگرتووەکان رایگەیاند، هاودەنگی بۆ موسڵمانان دەردەبڕن لە هەموو جیهان، سوتاندن و دەستبردن بۆ قورئان بە هەمووشێوەیەک رەتدەکەینەوە بە تایبەت لە سوید.
ئەمڕۆ هەینی، ستیڤن دوجاریک وتەبێژی سکرتێری گشتی نەتەوەیەکگرتووەکان راگەیەنراوێکی بڵاوکردەوە و تێێدا هاتووە،" ئیدانەیدەستبردن و هەوڵدان بۆ کاری توندوتیژی دژ ئیسلام دەکەین، ئەو کارانە گرژیی و ئاڵۆزییەکان زیاتر دەکەن."
لە راگەیەنراوی وتەبێژی سکرتێری نەتەوەیەکگرتووەکان ئاماژە بەوەشکراوە، هەوڵدان بۆ دروستکردنی رق و کینەی ئاینی، هاندانە بۆجیاکاری و دروستکردنی دوژمنایەتی.
ئەمەش لەدوای ئەوە دێت، لە رۆژی ٢٨ی حوزەیراندا پەنابەرێکی عێراقی بە ناوی سەلوان مۆمیکا قورئانی لەبەردەم مزگەوتی گەورەی سویدسوتاند و ئەوەش ناڕەزایی عێراقی لێکەوتەوە و عێراق بە فەرمی داوای رادەستکردنەوەی ئەو پەنابەرە عێراقییەی کردەوە.
لە لایەکی دیکەوە، هاوڵاتیانی عێراق خۆپیشاندان و ناڕەزاییان بردە بەردەم باڵیۆزخانەی سوید لە بەغدا و هێرشیان کردە سەر باڵەخانەیباڵیۆزخانەی سوید.
دوای ئەو گرژی و ئاڵۆزیانە، جارێکی دیکە سەلوان مۆمیکا رایگەیاند، قورئان و ئاڵای عێراق لەبەردەم باڵیۆزخانەی عێراق لە سوید دەسوتێنێتو ئەوەش ناڕەزای حکومەتی عێراقی لێکەوتەوە و محەمەد شیاع سوودانی سەرۆک وەزیرانی عێراق داوای لە باڵیۆزی سوید کرد عێراقجێبهێڵێت و سوید و فینلاندیش باڵیۆزخانەکانیان لە عێراق کشاندەوە.
