وەزارەتی دەرەوەی ئەمریکا راگەیەندراوێکی دژی عێراق بڵاوکردەوە
وەزارەتی دەرەوەی ئەمریکا راگەیەندراوێکی دژی عێراق بڵاوکردەوە
وەزارەتی دەرەوەی ئەمریکا سەرکۆنەی هێرشکردنە سەر باڵیۆزخانەی سوێد لە بەغدا دەکات و دەڵێت، "جێگەی قبووڵ نییە کە هێزەعێراقییەکان کاریان بۆ رێگریکردن لە خۆپێشاندەران نەکردووە" لەوەی هێرشبکەنە سەر باڵیۆزخانەکە.
داواش لە حکومەتی عێراق دەکات بەگوێرەی یاسای نێودەوڵەتی پارێزگاری لە نێردە دیپلۆماسییەکان بکات.
ماتیۆ میلەر، وتەبێژی وەزارەتی دەرەوەی ئەمریکا لە راگەیێندراوێکدا، نیگەرانی وڵاتەکەی لە هێرشکردنە سەر باڵیۆزخانەی سوێد لە بەغدالەلایەن خۆپێشاندەرە عێراقییەکان دەربڕی و هێزە عێراقییەکانی بەوە تۆمەتبارکرد کە هیچ هەوڵێکیان نەداوە رێگە لە خۆپێشاندەران بگرن
وتیشی: "ئازادی گردبوونەوەی ئاشتییانە هێمایەکی تایبەتە بە دیموکراسی، بەڵام ئەوەی شەوی رابردوو روویدا کردەیەکی پێشێلکارانە بووØ›جێگەی قبووڵ نییە کە هێزە ئەمنییەکانی عێراق رێگەیان لە خۆپێشاندەران نەگرتووە لەوەی بۆ دووەم جار بچنە نێو باڵەخانەی باڵیۆزخانەیسوێد و زیانی پێبگەیێنن."
ئاماژەی بەوەشکرد، لەگەڵ باڵیۆزی سوێد لە عێراق لە پەیوەندیدان و داوای لە حکومەتی عێراق کرد رێز لە یاسا نێودەوڵەتییەکان بگرێت ونێردەی وڵاتانی بیانی لە وڵاتەکەی بپارێزێت.
ئەوە لە کاتێکدایە، بەرپرسانی سوێد، رەزامەندییان داوە لەسەر ئەوەی ئەمڕۆ پێنجشەممە لەبەردەم باڵیۆزخانەی عێراق لە سوێدگردبوونەوەیەک بکرێت، تێیدا قورئانی پیرۆز و ئاڵای عێراق بسووتێندرێن.
ئەمەش کاردانەوەی عێراقییەکانی لێکەوتەوە و لە خۆپێشاندانێکدا کە لەلایەن لایەنگرانی موقتەدا سەدر، رێبەری رەوتی سەدر رێکخرابوو،هەڵیانکوتایە سەر باڵیۆزخانەی سوێد و ئاگریان تێبەردا.
هاوکات، وەزارەتی دەرەوەی سوێد لە راگەیێندراوێکدا لەبارەی هێرشکردنە سەر باڵیۆزخانەکەیان لە بەغدا رایگەیاند، ئەوەی روویداوە بە هیچشێوەیەک جێگەی قبووڵکردن نییە و حکومەتیش بە تووندترین شێوە سەرکۆنەی دەکات.
