لەسەر بڕیاری ئەنجومەنی وەزیرانی عێراق ئەمڕۆ بڕی دوو سەد ملیار دینار گەیشتەسەر هەژماری بانکی وەزارەتی دارایی و ئابووری هەرێم
وەزارەتى دارایى و ئابورى ئابورى هەرێم رایگەیاند، لەسەر بڕیاری ئەنجومەنی وەزیرانی عێراق ئەمڕۆ بڕی دوو سەد ملیار دینار گەیشتەسەر هەژماری بانکی وەزارەتی دارایی و ئابووری هەرێم لە لقی هەولێری بانکی ناوەندی عێراق.
ئەگەرچى بڕیاربوو 400 ملیار دینار رەوانەی هەرێمی کوردستان بکرێت بەمەبەستی دابەشکردنی موچەی مانگی (نیسان/4)یفەرمانبەران، بەڵام حکومەتی فیدڕاڵی ئەمڕۆ سێشەممە تەنها 400 ملیار دیناری رەوانە کردوە.
پێشتریش، ئاوات جەناب نوری وەزیری دارایی و ئابوری رایگەیاندبو، "ئەو پارەیەی ئێستا هەمانە بۆ موچە 70-80 ملیارمان لەبەردەستدایەجگە لە 400 ملیار دینارەکەی بەغدا، ئەمەش بەتەنها بەس نیە بۆ موچە، ئەگەر بەزویی کێشەی عێراق و تورکیا چارەسەر بکرێت، پارەینەوتمان بۆ بێت، چونکە پارەمان بۆ نەیەت، ئێمە کورتهێنانی 500 ملیۆن دینارمان هەیە بۆ موچە".
ئەوەشی رونکردەوە، "هەژمارێکی بانکیمان لە بانکی رەشید کردۆتەوە، دەبێت هەژمارێکی بانکی لە بانکی رافدەینیش بکەینەوە، هەریەکەیان200 ملیار دینارمان بۆ دەنێرن".
دوێنێش، مەسعود حەیدەر، بریکاری وەزارەتی دارایی حکومەتی عێراق ڕایگەیاند، ئەو 400 ملیار دینارەی کە بڕیارە لە عێراقەوە بنێردرێتبۆ هەرێمی کوردستان و حکومەتی هەرێم پێویستیەتی بۆ دابینکردنی موچەی فەرمانبەران، ڕەنگە لە دو ڕۆژی داهاتودا بگاتە هەولێر.
