ترەمپ: ئەگەر بگەڕێتەوە کۆشکی سپی دەبێت فەرمانبەرانی فیدراڵی لە تاقیکردنەوەیەکی سیاسیدا دەربچن یان لە کارەکەیان دوور بخرێنەوە
ترەمپ: ئەگەر بگەڕێتەوە کۆشکی سپی دەبێت فەرمانبەرانی فیدراڵی لە تاقیکردنەوەیەکی سیاسیدا دەربچن یان لە کارەکەیان دوور بخرێنەوە
دۆناڵد ترەمپ، سەرۆکی پێشووی ئەمریکا ڕایگەیاند، ئەگەر بگەڕێتەوە کۆشکی سپی، دەسەڵات دەدات بە فەرمانبەرانی فیدراڵی بۆئەنجامدانی تاقیکردنەوەی خزمەتگوزاری شارستانی و ئەو کرێکارانەی دەرنەچن، لە کارەکانیان دووردەخرێنەوە.
وە بەگوێرەی ڕوسیا تودەی، لە ڤیدیۆ کلیپێکی تۆمارکراودا وتی "داوا لە هەموو فەرمانبەرێکی فیدراڵی دەکەم لە تاقیکردنەوەیەکی نوێیخزمەتگوزاری شارستانی دەربچێت، کە ئاماژەیە بۆ تێگەیشتن لە حکومەتی دامەزرێنەرە سنووردارەکەمان"، ئاماژەی بەوەشکرد کە"تاقیکردنەوەکە پرسەکانی کۆنترۆڵکردن لەخۆدەگرێت". مافەکانی پرۆسەی یاسایی، پاراستنی یەکسان، ئازادی ڕادەربڕین، ئازادی ئایینی،و هەمواری چوارەم بۆ پاراستنی دەستوور لە گەڕان و دەستبەسەرداگرتن”.
ئاماژەی بەوەشکرد، "ئێمە بیرۆکراتە هەڵنەبژێردراوەکان دەخەینەوە شوێنی خۆیان، کاردەکەین بۆ ڕێکخستنی ئابووری ئەمریکا و ڕاکێشانیملیۆنان هەلی کار و تریلیۆن دۆلار بۆ ئێمە".
ترەمپ پێشتر داوای کردبوو کە مەرجی نوێ بۆ فەرمانبەرانی فیدراڵی دابنرێت. وە لە مانگی ئازاری ساڵی ڕابردوودا داوای کرد یاسایەکدەربکرێت کە هەموو فەرمانبەرێک کە لە ژێر دەسەڵاتی جێبەجێکردندا کاردەکات، لەلایەن سەرۆکەوە لە کارەکەی دووربخرێتەوە.
