محەممەد ئیسلامی سەرۆکی ڕێکخراوی وزەی ئەتۆمی ئێران وتی: دەرکردنی چەندین بڕیارنامەی دژ بە ئێران لە لایەن ئاژانسی نێودەوڵەتی وزەی ئەتۆمیەوە نابێتە هۆی پەکخستنی بەرەوپێشچوونی بەرنامە ئەتۆمییەکانی ئەو وڵاتە.
به پێی ڕاپۆرتی ئاژانسی هه واڵی ئێران، ئه مڕۆ یه کشه ممه له میانه ی وتاره که ی له بۆنه یه کدا له پارێزگای ئیسفههان له ناوه ڕاستی ئێران بوو.
ئیسلامی ئاماژە کرد: بڕیارەکەی ئاژانسی نێودەوڵەتی وزەی ناڤۆکی دژ بە ئێران ڕێکارێکی نا بنیاتنەرە بۆ خستنەڕووی زۆرترین فشار.
ئاماژەی بەوەشکرد، "ئەم بڕیارە یارمەتی لایەنەکانی دیکە نادات بۆ چارەسەرکردنی کێشەکانی ئێستا".
ئیسلامییەک پێی وابوو "ئەو جۆرە فشارانە کۆتایی نایەت"، ئاماژەی بەوەدا کە بڕیارەکەی ئاژانسەکە بە وەڵامێکی توندی ئێران بەرەوڕوو دەبێتەوە.
پێنجشەممەی ڕابردوو دەستەی بەڕێوەبەری ئاژانسی نێودەوڵەتی وزەی ئەتۆمی بڕیارنامەیەکی بڵاوکردەوە و تێیدا داوایکرد ئێران ئەو شوێنانە بۆ ئاژانسی نێودەوڵەتی وزەی ناڤۆکی ڕوون بکاتەوە کە شوێنەواری یۆرانیۆمی پیتێنراوی تێدا دۆزراوەتەوە.
ئەمریکا، بەریتانیا، ئەڵمانیا و فەرەنسا ڕۆژی هەینی ڕاگەیەنراوێکی هاوبەشیان بڵاوکردەوە و داوایان کرد تاران بڕیارەکەی ئاژانس "بێ دواکەوتن" جێبەجێ بکات.
ئا:ئاهورا
