به تۆمه‌تی دەستدرێژی سێکسی و ڕفاندن و ئەشکەنجە، دادگای تورکیا سزای ٨ هەزار و ٦٥٨ ساڵ زیندانی بەسەر عەدنان ئۆکتاردا سەپاند
دادگایەک لە ئەستەنبوڵی تورکیا، یەکێک لە درێژترین سزاکانی زیندانیکردنی بەسەر عەدنان ئۆکتار، بڵاوکەرەوەی تەلەفزیۆنی تورکی دەرکرد و کولتێکی بەڕێوەبرد کە تێوەگلاوە لە لیستی درێژی تاوانەکاندا.
لە میانی دانیشتنەکەدا کە ئەمڕۆ چوارشەممە بەڕێوەچوو، بەپێی ڕۆژنامەی "دەیلی سەباح"ی تورکی، عەدنان ئۆکتار - ناسراو بە هارون یەحیا - و ١٤ تۆمەتباری دیکە هەریەکەیان بە ٨ هەزار و ٦٥٨ ساڵ زیندانی سزادراون.
هەرچەندە ئەو بڕیارانەی ئەمڕۆ دادگای دادی تورکیا دەرکران لەو حوکمەی زیندانی کە لە دانیشتنەکانی پێشوودا (نزیکەی ٩٨٠ ٣ ساڵ) دەریانکردبوو زیاتر نەبوون (نزیکەی ٩٨٠ ٣ ساڵ)، بەڵام تا ئێستاش یەکێکە لە درێژترین سزاکان لە وڵات و جیهاندا.
یەکەم بڕیار لە دادگاییکردنی ئۆکتار و شوێنکەوتووانی لە مانگی یەکی ساڵی ٢٠ ٢١ ڕاگەیەندرا، بەڵام دادگای تێهەڵچوونەوە بڕیارەکەی هەڵوەشاندەوە، بەهۆی کەموکوڕی یاساییەوە، و بڕیاریدا دووبارە دادگایی بکرێتەوە.
بڕیارەکەی دادگای تێهەڵچوونەوە ڕێگەی خۆشکرد بۆ ئازادکردنی ٦٨ تۆمەتبار بەهۆی ئەو ماوەیەی لە دەستبەسەرکردندا تا بەرواری دادگاییکردنەکە و چەند هۆکارێکی دیکە، هاوکات دادگا بڕیاری ڕاگرتنی درێژخایەنی ئۆکتار و هاوکارە نزیکەکانی دەرکرد.
داواکاری گشتی تانە لە بڕیاری ئازادکردنەکەی دا و ئەو تۆمەتبارانەی کە فەرمانی ئازادکردنیان پێدرابوو، جارێکی دیکە دەستگیرکرانەوە کاتێک دادگا ناڕەزایەتییەکەی قبوڵکرد، چونکە دووبارە دادگاییکردنەکە لە سەرەتای ساڵی ٢٠ ٢٢ دەستیپێکرد.
ئەمڕۆ چوارشەممە، دادوەرەکان قسەی کۆتایییان لەسەر چارەنووسی ٢١٥ تۆمەتبار کرد، کە ٧٢ تۆمەتباریان لە دەستبەسەرکردندان، لە کاتێکدا دادگا بە تۆمەتی بەڕێوەبردنی ڕێکخراوێکی تاوانکاری، دەستدرێژی سێکسی، زەوتکردنی مافی پەروەردە، ئەشکەنجە، ڕفاندن، و هەڵگرتنی نایاسایی زانیاری کەسی.
بەڵام کۆی ئەو شتانەی کە ئۆکتار سزای بەسەردا دراوە دەگاتە ٨٦٥٨ ساڵ، چونکە دادگا بڕیاریدا لەسەر ئەو تاوانانەش دادگایی بکرێت کە شوێنکەوتووانی بە پلەی سەرۆکی مەزهەب ئەنجامیانداوە.
عەدنان ئۆکتەر کێیە?
عەدنان ئۆکتار بە پێشکەشکردنی بەرنامەکان بە سیمایەکی ئایینی ناوبانگی دەرکردووە، لەو ماوەیەدا چەندین بۆچوون و ڕەفتاری نائاسایی و قێزەونی پەخشکردووە، هەروەها چەندین جار دەستگیرکراوە، دواجاریش لە ساڵی 2018 لەگەڵ ئەندامانی گروپەکەی بووە بەهۆی ژمارەیەکی زۆر گومانەوە ، و لە ساڵی ٢٠ ٢١دا بەهۆی ئەوەی تاوانی سێکسی ئەنجامدابوو، سزای ١٠ ٧٥ ساڵ زیندانی بەسەردا سەپێندرا.
هەروەها ئەو و شوێنکەوتووانی ڕووبەڕووی تۆمەتی دیکە دەبنەوە - بەپێی ڕۆژنامەی "یەنی شەفەک"ی تورکی، لەوانە "ئیستغلالکردنی هەست و بیروباوەڕی ئایینی بۆ مەبەستی ساختەکاری، پێشێلکردنی پیرۆزی ژیانی تایبەت، ساختەکاری، و پێشێلکردنی یاساکانی دژە تیرۆر و قاچاخچێتی، لە ڕێگەی ڕێکخراوێکەوە کە ناوی عەدنان ئۆکتاری هەڵگرتووە”.
دەسەڵاتدارانی ئەمنی تورکیا ئۆکتاریان لە مانگی تەمموزی ٢٠ ١٨ لەکاتی هەوڵدان بۆ هەڵهاتن لە ماڵەکەی خۆی لە ئەستەنبوڵ دەستگیرکرد، هەروەها دەستیان بەسەر بڕێک چەک و قەڵغانی پۆڵادا گرت.
لەو کاتەدا دەسەڵاتداران ئاماژەیان بەوەدا کە دەستیان بەسەر 566 کەرەستەی دیجیتاڵیدا گرتووە کە ڤیدیۆی سێکسییان تێدابووە، ئەمە جگە لەوەی دەستیان بەسەر 96 دەمانچە و 23 تفەنگ و زیاتر لە 1,500,000 لیرەی تورکی (313 هەزار دۆلاری ئەمریکی)دا گرتووە.
هه مان سه ڕچاوه ئاماژه ی به وه کردووه که یه کێک له کچه که سانه کانی خوار تەمەنی یاسایی لە لایەن "عەدنان ئۆکتەر" و ئەندامانی تری ڕێکخراوەکە دەستدرێژی کراوەتە سەر، سکاڵای لەسەر ئەو ڕێکخراوە تۆمار کردووە.
ئا: دنیا کوردستانی
