لە ڕووداوێکی هاتووچۆ دا پێنج برینداری لێدەکەوێتەوە
لە سەر ڕێگای کەلار خانەقین
لە ڕووداوێکی هاتووچۆ دا پێنج برینداری لێدەکەوێتەوە
هاتووچۆی گەرمیان:
لە سەر ڕێگای کەلار خانەقین نزیک ساڵەح ئاغا بەهۆی پێکدادانی دوو ئۆتۆمبێلەوە پێنج کەس برینداربوون و ڕەوانەی نەخۆشخانە کران
بەیانی ئەمڕۆ (دووشەمە) بەهۆی پێکدادانی دوو ئۆتۆمبێلی جۆری جێب لاریدۆ و تۆیۆتا هایلۆکس لە سەر ڕێگای کەلار خانەقین نزیک ساڵەحئاغا پێنج کەس برینداربوون
ڕووداوەکە بەشێوەیەک بووە ئۆتۆمبێلی جۆری جێب بەئاراستەی قەزای خانەقین ڕۆشتوە و ئۆتۆمبێلی جۆری تۆیۆتا هایلۆکس بەئاراستەیکەلار هاتوە لەنزیک ساڵەح ئاغا پێکیانداداوە، چوار لەبریندارەکان لەئۆتۆمبێلی جۆری جێب دابوون دوو پیاو دوو ئافرەت کە خوشک و برانو دانیشتوی سلێمانین
ئۆتۆمبێلی جۆری توێتا هایلۆکس تەنها شۆفێرەکەیتێدابوەو بریندارە، دانیشتوی قەزای کەلارە و لەدایک بوی (2000)ە.
بەپێی لێکۆڵینەوە سەرەتاییەکان ڕووداوەکە بەهۆی تێپەڕاندنی هەڵەوە ڕویداوە، لێکۆڵینەوە لەلایەن تیمی هاتووچۆوە لە ڕووداوەکە بەردەوامە.
