سەرۆکی یەکێتی نیشتیمانی کوردستان دەڵێت، پێدەچێت دیوارێک لەنێوان

سەرۆکی یەکێتی نیشتیمانی کوردستان دەڵێت، پێدەچێت دیوارێک لەنێوان "ئێمە و مەسرور بارزانی سەرۆک  وەزیراندا" هەبێت

بافڵ تاڵەبانی، سەرۆکی یەکێتی نیشتمانی کوردستان رایگەیاندووە: حکومەتی ئێستای هەرێمی کوردستان زۆر بە سیاسی کراوە، ئەمحکومەتە بەتەواوی جیاوازە لە حکومەتەکانی تر، ئەمەش کاریگەری باشی نابێت. 

بافڵ تاڵەبانی لە چاوپێکەوتنێکدا لەگەڵ ئاژانسی هەواڵی ڕاپۆرتی نەوتی عێراق - IRAQ OIL REPORT لە بەغدا، باسی هەندێک پرسیگرنگی کردووە و دەڵێت، "دوێنێ بە رێکەوت لەگەڵ یەکێک لە وەزیرەکانم لە هەولێر دانیشتبووم، وتی: (ئەوکاتەی بەڕێوەبەری گشتی بووم چاوملەوە بوو ببم بە وەزیرە، لەم کابینەیەدا بووم بە وەزیر، بەڵام خۆزگە خۆم توش نەدەکرد)، هەموو ئەمانە بەهۆی بە سیاسیکردنی پرۆسەکەو بەمەرکەزیکردنی هەموو شتەکانەوەیە."

ئاماژەی بەوەشکردووە، "جیاوازییەکی گەورە هەیە لەنێوان ئەوەی لە هەولێر روودەدات‌ و ئەوەی لە سلێمانی روودەدات. چەندین پرۆژە لەسلێمانی راوەستاون، بودجەی شارەکە و دەرمانی نەخۆشخانەکان، دەرماڵەی خوێندکاران‌، ماف‌ و مووچەی پێشمەرگە، وخزمەتگوزارییەکان بڕدراوە.  ئەگەر بگەڕێیتەوە بۆ سەردەمی گەشەکردنی کوردستان دەبینێت، رێک بە پێچەوانەوە ئەوکاتە سیستەمیلامەرکەزیی هەبووە و هەر پارێزگایەک لە پرۆژەکاندا رکابەرێتی لەگەڵ پارێزگاکەی تردا کردووە."

بافڵ تاڵەبانی دەڵێت، پۆستمان هەیە لەم کابینەیەدا هێشتا پڕمان نەکردوەتەوە، ئەمە لەکاتێکدایە دەبوو لەسەرەتای کابینەکەدا پڕبکرێنەوە،پێموایە ئەمە بۆ بزووتنەوەی گۆڕانیش هەروایە. 

سەرۆکی یەکێتی نیشتیمانی کوردستان دەشڵێت، پێدەچێت دیوارێک لەنێوان "ئێمە و مەسرور بارزانی سەرۆک  وەزیراندا" هەبێت، چونکەکاتێک دەتەوێت بەڕێوەبەرێکی گشتی بگۆڕیت، ناتوانیت.. دەتەوێت بریکاری وەزیر بگۆڕیت، ناتوانیت.. وەزیرێک دەیەوێتدەستلەکاربکێشێتەوە، دەڵێن نەخێر.

بریکاری وەزیر هەیە کە کەیسی گەندەڵی لەسەرە‌و ئەم کەیسەش من نەمجوڵاندووە بەڵکو حکومەتەکەی مەسرور بارزانی کردویەتی، ئێستا کەدەرکەوتووە تاوانبارە، ئێمە دەمانەوێت لایبەرین، بەڵام ئەوان نایگۆڕن، ئەمەش جۆرێکە لە فشار. بافڵ تاڵەبانی وای وتووە.

ئەوەشی خستووەتەڕوو، قوباد تاڵەبانی ناچێتەوە بۆ کۆبونەوەکانی حکومەت‌. ئەوە بڕیاری خۆیەتی‌ و منیش پشتیوانی لێ دەکەم، بەڵامخەڵکمان ناردووە بۆ ناو کۆبوونەوەکانی حکومەت، ئەمە بۆ چاودێریکردن‌ و دڵنیابوون لەوەی کە هیچ بڕیارێکی شێتانە دەرناچێت. 

هەروەها جەختیشی کردووەتەوە لەوەی، "کاک قوباد بڕیار دەدات کێن ئەو کەسانەی کە هەفتانە بەشداری لە کۆبونەوەکانی حکومەت دەکەنلەناو تیمی یەکێتیدا، کاک قوباد ناچێتەوە بۆ کۆبونەوەکانی حکومەت تا ئەو کێشانە چارەسەر دەکرێن."

سەبارەت بە دۆخی ئەمنی هەولێر، بافڵ تاڵەبانی دەڵێت: یەکێتی لە رەوشی ئەمنی هەولێر نیگەرانە، هێز تا نزیکەی 200 مەتر لە ماڵی براکەمنزیککراوەتەوە.

جەختیش دەکاتەوە لەوەی کە ئەوان وەک یەکێتی دەیانەوێت بریارە ستراتیژییەکانی بواری وزە بەهاوبەشی دەربکرێت و نەک لایەنێک،لایەنەکانی دیکە لە پرۆسەکەدا سڕ بکات.

بافڵ تاڵەبانی وتیشی: "لەوە تێناگەم بۆ ئامادەنین لەگەڵ بەغدا کاربکەن، هەماهەنگی کردن لەگەڵ بەغدا زۆر کاریگەر دەبێت. بۆ نموونە"بەسرە هەزار جار دەوڵەمەندترە لە هەموو کوردستان. ئەگەر سەرۆک وەزیران هاتە لام و وتی بەرژەوەندییەکانت بخەرە سەر ئەم مێزە، تۆشدەتوانیت بەشێک بیت لەو بەرژەوەندییانەی سەر ئەم مێزە زەبەلاحە لە ناویشیاندا بەسرە. ئەمە بەلای منەوە باشترین رێککەوتنە