هه‌لیكۆپته‌رێكى فریاكه‌وتن له ناوچه‌ى شاخاوى لورستان تێكشكا وە له ئه‌نجامدا هه‌شت كه‌س گیانیان له ده‌ست دا
هه‌لیكۆپته‌رێكى فریاكه‌وتن له ناوچه‌ى شاخاوى لورستان تێكشكا وە له ئه‌نجامدا هه‌شت كه‌س گیانیان له ده‌ست دا
هێلیکۆپتەرەکە لە بەرزیی 2800 مەتریدا تووشی روداو بووە و 8 سەرنشینی هەبووە کە پێکهاتبوون لە تیمی فڕۆکەوانی و فریاگوزارانی مانگی سوور."
سه‌رۆكى كۆمه‌ڵه‌ى مانگى سوورى ئێران رای گه‌یاند، هه‌لیكۆپته‌رێكى فریاكه‌وتن له ناوچه‌ى شاخاوى لورستان تێكشكاوه و له ئه‌نجامدا هه‌شت كه‌س گیانیان له ده‌ست داوه
ئاژانسی هەواڵی تەسنیم لە زاری عەلی محەمەدی، بەڕێوەبەری گشتیی مانگی سووری پارێزگای لورستانەوە بڵاویکردەوە، "ئەم هێلیکۆپتەرە بۆ ئۆپەراسیۆنێکی گەڕان و رزگارکردنی ژنێکی ونبوو، نێردرابووە بەرزایی4 هەزار مەتریی چاڵکەبود لە ئۆشتۆرانکۆ".
وتیشی، "هێلیکۆپتەرەکە لە بەرزیی 2800 مەتریدا تووشی روداو بووە و 8 سەرنشینی هەبووە کە پێکهاتبوون لە تیمی فڕۆکەوانی و فریاگوزارانی مانگی سوور."
لە ئێستادا 6 تیمی ئۆپەراسیۆنی لە لورستانەوە رەوانەی ناوچەکە کراون و سەرقاڵی لێکۆڵینەوەن لە هۆکاری روداوەکە و گواستنەوەی بریندارەکانن.
بەپێی نوێترین زانیارییەکانی مانگی سوور، دوای پەیوەندیکردن بە رزگاربووانی روداوەکەوە، دەرکەوتووە کە 9 کەس لەناو هێلیکۆپتەرەکەدا بوون و بەداخەوە یەکێک لە سەرنشینەکان بەهۆی سەختیی برینەکەیەوە گیانی لەدەستداوە.
