بەڕێوەبەری گشتی دژەتیرۆر، پێشوازیکرد لە باڵیۆزی دانیمارک لە عیراق و وەفدێکی یاوەری کرد
دەقی راگەیەندراوی دژەتیرۆر
بەڕێوەبەری گشتی دژەتیرۆر، پێشوازیکرد لە باڵیۆزی دانیمارک لە عیراق و وەفدێکی یاوەری.
ئەمڕۆ چوارشەممە، 23ی تشرینی دووەم 2022، وەهاب هەڵەبجەیی، بەڕێوەبەری گشتیی دژەتیرۆر لە بارەگای گشتی بەڕێوبەرایەتی،پێشوازیکرد لە کرستیان تۆرنینگ باڵیۆزی دانیمارک لە عیراق و کۆڵۆنێڵ گێرت پاشکۆی سەربازیی لە باڵیۆزخانەی دانیمارک .
لە کۆبونەوەکەدا، وێڕای گفتوگۆکردن لەبارەی پێشهاتە ئەمنی و سەربازییەکان، هەردوولا جەختیانکردەوە لە ڕەخساندنی زەمینەیەکیگونجاوتر بۆ باشترکردنی پەیوەندی و هەماهەنگییەکانی نێوان هێزەکانی دژەتیرۆر و هێزەکانی دانیمارک لەرووی سەربازی و بەردەوامیکردە سەربازییەکان بۆ ریشەکێشکردنی تیرۆر .
تەوەرێکی دیکەی کۆبونەوەکە پەیوەستکرا بە باسکردن لە بارودۆخی هەرێمی کوردستان و ناوچەکە و مەترسییە دەرەکی و هەرێمییەکانیسەر هەرێمی کوردستان.
کرستیان تۆرنینگ باڵیۆزی دانیمارک لە عیراق ، تەئکیدیکردەوە لە بەردەوامی ڕۆڵی وڵاتەکەی وەک ئەندامێکی ناتۆ لە عیراق لە پشتگیریکردنیپێشمەرگە و هێزەکانی دژەتیرۆر و هێزەکانی عێراق بۆ ڕووبەڕوبوونەوەی تیرۆر و کارکردن لەپێناو سەقامگیری زیاتر.
وێنه‌‌‌کانی ڕووداو ٢٤
