مەسروربارزانی لەسەر هێرشەکانی ئێران پەیامێکی توندی بڵاوکردەوە

بەپەلە.. مەسروربارزانی لەسەر هێرشەکانی ئێران پەیامێکی توندی بڵاوکردەوە

ئەمڕۆ لە مەراسیمی کردنەوەی شەقامی ١٥٠  مەتری هەولێر مەسرور بارزانی سەرۆکی حکومەتی هەرێم داوای لە حکومەتی عێراق و وڵاتان و دەزگا نێودەوڵەتیەکان کرد هێرشە نارەواکانی ئێران رابگرن.

سەرۆکی حکومەتی هەرێم ئاماژەی بەوەشکرد بەردەوام دەبن لە خزمەتگوزارییەکان و بەڵێن دەدن کە هەرێمی کوردستان هەرێمێکی ئارامە و هیچ کەس ناتوانێت ئەو ئارامییە بشێوێنیت

وتیشی بە توندی سەرکۆنە و ئیدانەی ئەو هێرش و بۆردوومانانە دەکەین کە دەکرێنە سەر هەرێمی کوردستان

سەبارەت بە رووداوەکانی تەقینەوەی غاز لە سنوری پارێزگاکانی سلێمانی و دهۆک رایگەیاند داوای کردووەو لایەنی پەیوەندیداری راسپاردووە لێکۆڵینەوەی ورد لەوبارەیەوە بکرێ.. بۆئەوەی جارێکیتر رووداوی لەو شێوەیە دووبارە نەبێتەوە و جەختی لەوەشکردەوە بە هاوکاری نێوان هاوڵاتی و لایەنە پەیوەندیدارەکان دەتوانرێت رێگری لەو رووداوانە بکرێت.