کەشناسی وادەی کۆتاییهاتنی شەپۆلی بەفر و باران ڕاگەیەند

کەشناسی وادەی  کۆتاییهاتنی شەپۆلی بەفر و باران ڕاگەیەند

بەشی کەشناسی و بومەلەرزەزانی هەرێمی کوردستان رایگەیاند، ئەمڕۆ بەهۆی کاریگەری نزمە پاڵەپەستۆی دەریای سپی ناوەڕاست وبارستە هەوایەکی سارد دەبێت و ئاسمان هەوری باراناوی دەبێت، بارانبارین لەسەر ناوچەکەمان تا کاتەکانی ئێوارە بەردەوامی دەبێت وبەفر لەسەر ناوچە شاخاوییەکان دەبارێت، لە درەنگانی شەودا دابارین بە گشتی لەسەر ناوچەکەمان کۆتایی دێت.

سەبارەت بە کەشوهەوای سبەی کەشناسی پێشبینی دەکات، رۆژی هەینی ئاسمان نیمچە هەور دەبێت لەگەڵ ئەگەری بارینی نمە بارانی کەملەسەر ناوچە شاخاوییەکان، ئەگەری دروستبوونی تەمێکی کەم لە هەندێک ناوچە هەیە .

بەرزترین پلەکانی گەرمای پێشبینیکراو بە پلەی سیلیزی :

هەولێر:  12 پلەى سیلیزى

سلێمانی: 10  پلەى سیلیزى

دهۆک:  9 پلەى سیلیزى

کەرکووک: 15 پلەى سیلیزى

هەڵەبجە: 11 پلەى سیلیزى

زاخۆ:  11 پلەى سیلیزى

سۆران:  5 پلەى سیلیزى

گەرمیان: 17 پلەى سیلیزى