ئەم هێرشانەی ڕژێمی ئێران، نیشانەی شکستی سیاسی و ناوخۆیی ڕژێمێکە کە لە جیاتی وەڵامدانەوەی داخوازییەکانی گەل، پەنا بۆ تیرۆری فرەسنوور و تێکدانی ئاسایشی ناوچەکە دەبات.
ڕاگەیەندراوێکی توند لە بزوتنەوەی ئایندەی کوردستانەوە بۆ ڕای گشتی، و نەتەوە یەکگرتووەکان و ناوەندە نێودەوڵەتییەکان ،
لە بزوتنەوەی ئایندەی کوردستانەوەبۆ ڕای گشتی
نەتەوە یەکگرتووەکان و ناوەندە نێودەوڵەتییەکان
ڕژێمی داگیرکەری کۆماری ئیسلامی ئێران و تاقمە میلیشیا دەستکردەکانی، لە ڕێگەی موشەک و درۆنە تیرۆریستییەکانیانەوە، بنکە و بارەگاکانی هێزە سیاسییەکانی ڕۆژهەڵاتی کوردستان و ناوچە مەدەنییەکانی هەرێمی کوردستانیان کردوەتە ئامانج.
ئێمە لە (بزوتنەوەی ئایندەی کوردستان) بە توندترین شێوە ئەم دەستدرێژییە ترسنۆکانە و تیرۆری دەوڵەتییە سەرکۆنە دەکەین.
ئەم هێرشانە نیشانەی شکستی سیاسی و ناوخۆیی ڕژێمێکە کە لە جیاتی وەڵامدانەوەی داخوازییەکانی گەل، پەنا بۆ تیرۆری فرەسنوور و تێکدانی ئاسایشی ناوچەکە دەبات.
لێرەوە جەخت لەسەر ئەم خاڵانە دەکەینەوە:
١- پێشێلکردنی یاسا نێودەوڵەتەکان: بە ئامانجگرتنی پەنابەرانی سیاسی و تێکۆشەرانی ڕۆژهەڵات لە ناو خاکی هەرێمی کوردستان، پێشێلکردنی ئاشکرای سەروەریی خاکی عێراق و هەرێم و هەموو پەیماننامە نێودەوڵەتییەکانی پاراستنی پەنابەرانە.
٢- هەوڵ بۆ سڕینەوەی دۆزی کورد: ئەم هێرشانە ئامانجیان تەنها لێدانی بنکەیەکی سەربازی نییە، بەڵکو هەوڵێکی بێهودەیە بۆ خامۆشکردنی دەنگی ئازادیخوازیی گەلی کورد لە ڕۆژهەڵات و تێکدانی قەوارەی سیاسیی هەرێمی کوردستان.
٣- بەرپرسیارێتی بەغدا و نەتەوە یەکگرتووەکان: بێدەنگیی حکومەتی فیدراڵیی عێراق و کۆمەڵگەی نێودەوڵەتی لە ئاست ئەم تاوانانە، ڕێ خۆشکەرە بۆ بەردەوامیی تیرۆری کۆماری ئیسلامی. پێویستە پارێزبەندییەکی جدی بۆ ئاسمانی کوردستان دابین بکرێت و ڕێگری لەم دەستدرێژیانە بکرێت.
٤- یەکڕیزیی نەتەوەیی: ئێمە ڕایدەگەیەنین کە بە موشەک و درۆن ئیرادەی تێکۆشەرانی ئێمە ناشکێت. داوا لە هەموو هێز و لایەنە سیاسییەکانی کوردستان دەکەین بۆ ڕووبەڕووبوونەوەی ئەم فشارانە، یەکدەنگ و یەکگرتوو بن.سەرشۆڕی
بزوتنەوەی ئایندەی کوردستان
