کونسوڵخانە و باڵیۆزخانەی بەریتانیا لە هەولێر و بەغدا بە هاوبەشی لەبارەی هێرشەکەی سەر کۆرمۆر پەیامێکیان بڵاوکردەوە
کونسوڵخانە و باڵیۆزخانەی بەریتانیا لە هەولێر و بەغدا بە هاوبەشی لەبارەی هێرشەکەی سەر کۆرمۆر پەیامێکیان بڵاوکردەوە
تێیدا هاتووە
بە توندی ئیدانەی ئەو هێرشە دەکەین کە شەوی ڕابردوو کرایە سەر کێڵگەی گازی خۆرمۆر
ئاماژەی بەوەشکردووە هێرشکردنە سەر هەر ژێرخانێکی بنەڕەتی هەڕەشە لە سەقامگیری عێراق و سەلامەتی گەلەکەی دەکات
شانشینی یەکگرتوو لەگەڵ هاوبەشە عێراقییەکان وەستاوە و پشتگیری هەوڵەکانی پاراستنی دامەزراوە بنچینەییەکان دەکات
ئەوەش هاتووە کە داوا دەکەین لێپێچینەوە لەگەڵ ئەوانەدا بکرێت کە بەرپرسیارن
جێی ئاماژەیە کە شەوی چوارشەممە هێرشکرایە سەر کێڵگەی کۆرمۆر لە سنووری قادرکەرەم لە قەزای چەمچەماڵ بەهۆیەوە ئاگر لە کۆگایەک کەوتەوە. بەڵام بەپێی شانەی راگەیاندنی ئەمنی و شایەتحاڵانی نێو کێڵگەکە کە بۆ رووداو قسەیان کرد زیانی گیانی نەبووە
