عەلی لاریجانی و قاسم ئەعرەجی.. بڕیارێکیان دژ بە حیزبەکانی ڕۆژهەڵات دەردەکەن.
عەلی لاریجانی ڕاوێژکاری ئاسایشی نیشتمانیی کۆماری ئیسلامی، لەگەڵ قاسم ئەعرەجی ڕاوێژکاری ئاسایشی نیشتمانیی عێراق قسەیان لەسەر حیزبەکانی ڕۆژهەڵات کردووە و هەردوولا ڕژد بوونە لەسەر جێبەجێکردنی ڕێککەوتننامەی ئەمنی عێراق و ئێران دژ بە حیزبەکانی ڕۆژهەڵاتی کوردستان.
عەلی لاریجانی داوای لە ئەعرەجی کردووە کە ئۆپۆزسیۆنی ئێرانی لە هەرێمی کوردستان بگوازرێنەوە بۆ ئەو کەمپانەی کە دەستنیشان کراون و بۆ ئەم مەبەستەش پێویستە هەم
ئەو کەمپانە بخرێنەوە سەر حکومەتی عێراقی و لەسەر بودجەی حکومەتی عێراقی پارەدار بکرێن(مەبەست بەڕێوەبردنیان).
قاسم ئەعرەجی ڕاوێژکاری ئاسایشی نیشتمانی عێراقیش ڕایگەیاندووە، لەگەڵ لاریجانی یادداشتێکی لێکتێگەیشتنیان واژۆ کردووە تێیدا مەرجی گواستنەوەی ئەندامانی ئۆپۆزسیۆنی ئێرانی لە هەرێمی کوردستان بۆ کەمپە دیاریکراوەکانیان و پارەدارکردنیان لەلایەن بەغداوە، لەخۆ گرتووە.
